ஜப்பான் வான் பரப்பு மேலாக வட கொரியா ஏவுகணை சோதனை

0
38

வட கொரியா ஏவுகணை ஜப்பான் வான் பரப்பில் ஏறக்குறைய 770km (478 மைல்கள்) பறந்தது என மதிப்பிடப்பட்டுள்ளது மற்றும் ஹொக்காய்டோவின் கடலில் இறங்குவதற்கு முன் 3,700 கிலோமீட்டர் தூரம் பயணம் செய்ததாக தென் கொரியாவின் இராணுவம் தெரிவித்தது.

ஜப்பானின் பிரதமர் ஷின்ஜோ அபே, வட கொரியாவின் ஆபத்தான நடவடிக்கைகளை “பொறுத்துக் கொள்ள மாட்டோம் என்றார்” வட கொரியா இந்த பாதையைத் தொடர்ந்தால், அதற்கு பிரகாசமான எதிர்காலம் இல்லை” என்று அவர் ஒரு அறிக்கையில் தெரிவித்துள்ளார்.

அமெரிக்க வெளியுறவு மந்திரி ரெக்ஸ் டில்லர்சன் ஐ.நா. தடைகளை மீறியதாக கண்டனம் தெரிவித்தார்.

வடகொரியாவின் முக்கிய பொருளாதார பங்காளிகளான சீனா மற்றும் ரஷ்யா ஆகியவற்றின் அசமந்த போக்கை அவர் கடுமையாக சாடியுள்ளார்.” சீனா மற்றும் ரஷ்யா இந்த பொறுப்பற்ற ஏவுகணைத் தாக்குதல்களுக்கு கண்டனம் தெரிவிக்க வேண்டும் என மேலும் தெரிவித்தார்.

தென்கொரிய ஜனாதிபதி  மூன் ஜே(Moon Jae), தேசிய பாதுகாப்பு கவுன்சில் அவசரகாலச் சந்திப்பு ஒன்றை நடத்தியதோடு வடகொரியாவிற்கு மேலும் இராஜதந்திர மற்றும் பொருளாதார ரீதியாக  தனிமைப்படுத்தப்பட வேண்டும் என கேட்டுக்கொண்டார்.

ஜப்பான் மற்றும் அமெரிக்காவின் வேண்டுகோளின்படி நியூயோர்க்கில் வெள்ளியன்று ஐ.நா. பாதுகாப்புக் குழு சந்திக்கும்.

வட கொரியா, அதற்கு ஒரு அணுசக்தி மற்றும் ஆயுதத் திட்டம் தேவை என்று வலியுறுத்துகிறது, அண்மை மாதங்களில் ஏவுகணை சோதனைகளை தொடர்கிறது, ஐ.நா. தடைகளை புறக்கணித்து வருகிறது.

இரு வாரங்களுக்கு முன்பு அதன் ஆறாவது அணு சோதனை நடத்தப்பட்டது, இது ஹைட்ரஜன் குண்டு, இதுவரை உருவாக்கப்பட்ட மிக சக்திவாய்ந்த ஆயுதம்.

வியாழனன்று, “ஜப்பானை மூழ்கடித்து, அமெரிக்காவை அஸ்திவாரமாக மாற்றிவிடும்” என்று அச்சுறுத்தியது.

வட கொரியாவின் ஏவுகணை திட்டம்

வட கொரியா பல தசாப்தங்களாக அதன் ஏவுகணை திட்டத்தில் பணியாற்றி வருகிறது, சோவியத் கண்டுபிடிப்பான Scud அடிப்படையாக கொண்ட ஆயுதங்கள் இவை.

சமீபத்திய மாதங்களில் சோதனைகளின் வேகம் அதிகரித்துள்ளது; வடகொரியா நீண்ட தூர அணு ஆயுத திறனைக் காட்டும் இலக்கை நோக்கி கணிசமான முன்னேற்றங்களைக் கொண்டிருப்பதாக தோன்றுகிறது. ஜூலை மாதம், வட கொரியா இரண்டு ஏவுகணைகளை அறிமுகப்படுத்தியது, இதில் Inter-Continental Ballistic Missiles (ICBMs) அமெரிக்காவைத் தாக்கும் திறன் கொண்டதாக இருந்தது.

 

Comments

comments