பெடரர் 12-வது முறையாக அரை இறுதிக்கு தகுதி

0
13

விம்பிள்டன் டென்னிஸ் தொடரில் ரோஜர் பெடரர் 12-வது முறையாக அரை இறுதிக்கு தகுதி பெற்றுள்ளார்.

கிராண்ட்சிலாம் போட்டிகளில் ஒன்றான விம்பிள்டன் டென்னிஸ் போட்டி லண்டன் நகரில் நடைபெற்று வருகிறது.

7 முறை சாம்பியனும், உலகின் 3-ஆம் நிலை வீரருமான ரோஜர் பெடரர் (சுவிட்சர்லாந்து) கால்இறுதியில் 6-வது வரிசையில் இருக்கும் கனடா வீரர் ரோனிக்கை எதிர்கொண்டார்.

இதில் பெடரர் 6-4, 6-2, 7-6 (7-4) என்ற நேர்செட் கணக்கில் எளிதில் வென்று அரைஇறுதிக்கு தகுதி பெற்றார். அவர் விம்பிள்டன் போட்டியில் 12-வது முறையாக அரைஇறுதிக்கு முன்னேறி உள்ளார். மேலும் அதிக வயதில் தகுதி பெற்ற 2-வது வீரர் என்ற பெருமையை பெடரர் பெற்றார்.

அவருக்கு தற்போது 35 வயதாகிறது. இதற்கு முன்பு 1974-ஆம் ஆண்டு சென்ரோஸ்வெல் (ஆஸ்திரேலியா) என்பவர் தனது 39-ஆவது வயதில் விம்பிள்டன் அரை இறுதியில் நுழைந்து இருந்தார்.

காயத்தால் பாதியில் வெளியேறிய ஜோகோவிச்.

ரோஜர் பெடரர் அரை இறுதியில் 11-ஆம் நிலை வீரர் தாமஸ் பெர்டிச்சை (செக்குடியரசு) சந்திக்கிறார். அவர் இரண்டாம் நிலை வீரர் ஜோகோவிச்சுக்கு எதிரான கால்இறுதியில் முதல் செட்டை 7-6 (7-2) என்ற கணக்கில் வென்றார்.

2-வது செட்டில் 2-0 என்ற கணக்கில் முன்னிலையில் இருந்தபோது ஜோகோவிச் காயத்தால் விலகினார். இதனால் பெர்டிச் வென்றதாக அறிவிக்கப்பட்டது. அவர் 2-வது முறையாக அரை இறுதிக்கு முன்னேறி உள்ளார்.

மற்றொரு அரை ஆட்டத்தில் சிலிச் (குரோஷியா)- சாம்குயரி (அமெரிக்கா) மோதுகிறார்கள். சாம்குயரி கால்இறுதியில் நம்பர் ஒன் வீரரும், நடப்பு சாம்பியனுமான ஆன்டி முர்ரேயை அதிர்ச்சிகரமாக வீழ்த்தி இருந்தார்.

இன்று நடைபெறும் பெண்கள் அரை இறுதியில் மோதும் வீராங்கனைகள் விவரம்:-

1. கார்பன் முகுருஜா (ஸ்பெயின்)- ரைபரி கோவா (சுலோவாக்கியா).

2. ஜோகன்னா ஹோன்டா (இங்கிலாந்து)- வீனஸ் வில்லியம்ஸ்.

முகுருஜா-ரைபரிகோவா மோதிய போட்டியில் இருவரும் தலா 2 ஆட்டத்தில் வெற்றி பெற்று இருந்தனர். வீனஸ் வில்லியம்சுக்கு எதிராக கோன்டா 3-2 என்ற கணக்கில் முன்னணியில் உள்ளார்.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – info@universaltamil.com

Comments

comments