இலங்கைக்கு ஜீ.எஸ்.பி. பிளஸ் வரிச் சலுகை வழங்குவதற்க்கு எதிர்ப்பு

0
51

இலங்கைக்கு ஜீ.எஸ்.பி. பிளஸ் வரிச் சலுகை வழங்கப்படுவதற்கு எதிராக ஐரோப்பிய ஒன்றிய பாராளுமன்றத்தில் பிரேரணை சமர்ப்பிக்கப்பட்டுள்ளது.

ஐரோப்பிய பாராளுமன்றத்தின் 52 உறுப்பினர்களைக் கொண்ட குழுவினால் இந்த பிரேரணை சமர்ப்பிக்கப்பட்டுள்ளது.

இலங்கைக்கு ஜீ.எஸ்.பி. பிளஸ்
இலங்கை அரசாங்கத்தின் சீர்திருத்த நடவடிக்கைகள் போதுமானதாக இல்லை எனவும், ஜீ.எஸ்.பி வரிச் சலுகையை பெற்றுக் கொள்வதற்கான பரிந்துரைகளை செயற்படுத்தல் குறித்து இலங்கை அரசாங்கம் நடவடிக்கை எடுக்கவில்லை எனவும் அவர்கள் குற்றம் சுமத்தியுள்ளனர்.

இதற்கமைய, ஜீ.எஸ்.பி பிளஸ் வரிச் சலுகையை இலங்கைக்கு வழங்குவதை தவிர்க்குமாறு ஐரோப்பிய ஆணைக்குழுவுக்கு தெரியப்படுத்துமாறு அந்த யோசனையில் கோரப்பட்டுள்ளது.
அத்துடன் ஐ.நா மனித உரிமைகள் பேரவையினால் அண்மையில் வெளியிடப்பட்ட அறிக்கையின் பிரகாரம், உண்மையான முன்னேற்றத்தை அடைந்துகொள்வதற்காக இலங்கை முன்னெடுத்துள்ள நடவடிக்கைகள் போதுமானதாக இல்லையெனவும் அவர்கள் குறிப்பிட்டுள்ளனர்.

ஐரோப்பிய ஒன்றிய பாராளுமன்றத்தின் 751 உறுப்பினர்களுள் 376 பேர் பிரேரணைக்கு ஆதரவாக வாக்களித்தால், இலங்கை, ஜீ.எஸ்.பி. பிளஸ் வரிச் சலுகையை இழக்கும் அபாயம் நிலவுகின்றது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – info@universaltamil.com

Comments

comments